مسابقة التصوير بالموبايل #بحلم_مع_كريم_فريد

اتعرفوا علي مسابقة التصوير بالموبايل #بحلم_مع_كريم_فريد، ليه بعملها، شروطها، وجوائزها ومنشن أصحابكم اللي بيحبوا التصوير وعندهم حلم.

ايه الجوائز؟

الأولى كاميرا بروفيشنال Canon EOS 1300D

التانية Canon Powershot A3500 IS

ليه بعمل المسابقة دي؟

من ٥ سنين تقريبا، كنت شاب عنده ٢١ سنة ساب الجامعة وجري ورا حلم أنه يكون مراسل صحفي. في اللحظة دي كنت مراسل لوكالة إخبارية وكنت بحاول احترف التصوير عشان أطور من مهاراتي، كنت بقبض ١٢٠٠ جنيه وطبعا مكانوش بيعملوا أى حاجة. ولكن كان عندي حلم ليه علاقة بالإعلام.

كنت بحاول أطور مهاراتي بكل الطرق، بتعلم كل وأي حاجة مع نفسي وبستغل الانترنت عشان أتعلم.

في نفس السنة، ٢٠١٢، كان قدامي فرصة لتغطية حدث كبير، ومكنش معايا كاميرا أصور بيها. وكنت عايز أثبت لإدارة الوكالة الإخبارية قد ايه أنا شاطر وقادر أني أعمل شغل كويس أيا تكن الظروف.

لقيت واحد صاحبي معاه كاميرا بروفيشنال، حاولت اقنعه أنه يبيعهالي. أقتنع واتفق معايا أني أدفع فلوسها على أقساط شهرية لمدة سنة تقريبا لأني طبعا مكنتش قادر أشتريها. وكتبنا عقد.

باسم فتحي صديق دعم حلمي

ومن هنا أبتديت التصوير الأحترافي وانتاج الفيديو وكملت طورت مهاراتي أكتر وأكتر وفتحت شركة بعدها بكام سنة وبعدها جالي عرض شغل في دبي غير حياتي.

الفضل في كل ده لحلمي اللي أمنت بيه والكاميرا الأولي وصاحبي اللي ساعدني.

عشان تحقق أي حاجة في حياتك لازم تكون بتحلم بيها وتتمسك بحلمك وتكون واثق أنه هيتحقق. يكون حواليك ناس مؤمنين بحلمك وبيدعموك ولو معنويا، وتحاول توفر الأدوات اللي ممكن تساعدك في تطوير مهاراتك وتحقيق حلمك.

ده هدف المسابقة

أنا لقيت صديق يدعمني، في آلاف عندهم أحلام ومفيش حد يدعمهم. المسابقة والجائزة هدفهم دعم حلم قبل دعم الشخص. الجائزة مجرد أداة من أدوات كتير هتحتاجها لتحقيق حلمك.

إيه الشرط الأهم للمسابقة؟

تكون مصري

إزاي تشارك في المسابقة؟

أعمل لايك للاكاونت بتاعي على انستجرام https://goo.gl/JGKc6l

ولايك للصفحة علي فيسبوك https://www.facebook.com/KFarid0

شير البوست ده مع أصحابك https://www.facebook.com/KFarid0/photos/a.680520001970573.1073741828.680480331974540/1440193949336504/?type=3

انشر صورة “من تصويرك” بتعبر عنك وعن حلمك واكتب فقرة قصيرة بتعبر فيها عن اللي بتحلم بيه وأكتب هاش تاج #بحلم_مع_كريم_فريد.

اعملي منشن في البوست علي فيسبوك وانستجرام

مين يقدر يشارك؟

كل شخص بيحب التصوير وعنده حلم

ازاي هنحدد الفائز؟

الصورة تحقق أكبر عدد لايكات وناس بتدعم الشخص انه يحقق حلمه

هل ده الشرط الوحيد؟

لا، لو في شخص مصور صورة حلوة جدا، ومش واخدة اكبر عدد لايكات هيكون له جائزة كمان

في الحالتين، لازم البوست اللي هتنزله يكون public عشان اقدر وأي حد تاني يقدر يشوف الصورة وحلمك يوصل لناس اكتر

بعد إعلان الفائز هيتم التواصل معاه وهتتبعت الهدية علي عنوانه قبل العيد عشان تكون شاركت ولو بشكل بسيط انه يكون مبسوط ويقدر يبتدي يمشي علي طريق تحقيق حلمه باستخدام الهدية البسيطة دي.

في مقولة للشاعر محمود درويش مؤمن بيها وبكتبها واقولها في كل مكان “على قدر حلمك تتسع الأرض” أحلم واشتغل لحلمك وهتلاقي طرق وأبواب بتتفتحلك عمرك ماكنت تتخيل أنهم يتفتحوا.

لينكات للجائزة الأولى والتانية

https://goo.gl/K9lWnKhttps://goo.gl/iqz9Cm

Categories:   Uncategorized

Comments

Leave a Reply