Advertisements

زمان لما كان واحد صاحبي يقولي أنه مسافر في رحلة شغل كنت بقوله الله يااه أنا نفسي…


زمان لما كان واحد صاحبي يقولي أنه مسافر في رحلة شغل كنت بقوله الله يااه أنا نفسي شغلي يكون كله سفر.

كبرت وشغلي بقي فيه سفر وأكتشفت أن رحلات الشغل بتبقي شغل وشغل وشغل وشغل وممكن مايبقاش عندك فرصة أحيانا مش أنك بس ماتشوفش المدينة اللي أنت فيها، لا ممكن مايبقاش عندك وقت تشوف المحل اللي على ورا الفندق.

بس لسه السفر ممتع حتى لو بتفضل بتشتغل ليل ونهار وبس، مثلا كنت في قمة سعادتي لما شوفت ضل الطيارة على الأرض قبل الهبوط. كنت فرحان فرحة طفولية وفضلت ماسك الموبايل ١٠ دقايق بصورها بدون زهق.

ومرة سافرت لمدة ١٢ ساعة متواصلة وقطعت ١٠٠٠ كم في عربية مع سواق هندي لا بيعرف عربي ولا انجليزي وشبكة الاتصالات على الطريق بشعة ومفيش إنترنت يخلي صفحة جوحل تحمل. والموبايلات فصلت واللابتوب فصل وأقول للسواق أقف في بنزينة عشان ادخل الحمام يهزلي راسه ويضحك ويقولي كمان ١٠ ساعات (كان فاكرني أقصد هنوصل أمتي). ١٢ ساعة بكلم نفسي وبتأمل في الصحراء.

شايفين المتعة؟ أنا ككريم مستمتع



Source

Advertisements

Categories:   Instagram posts

Comments

  • Posted: August 7, 2017 23:39

    kareemfarid

    #travelpics #travel #travelphotos #travelholic #travelnow #travelphotography #travelgram #photography #photographyeveryday #photography📷 #instadaily #dailypic #pictureoftheday #pictureofday #dubaiblogger #dubai🇦🇪 #dubaitag #dubai❤️ #dubailife #mydubai #dubai #traveler #travelersnotebook #travelerslife #traveleroftheweek #travelerphoto #بحلم_مع_كريم_فريد
  • Posted: August 7, 2017 23:45

    m.abdulsalam

    عادي ده الطبيعي لكل حاجة ضريبتها انا دايما مؤمن بالمبدأ ده وربنا يعينك وبعدين الهنود لطاف اووي قله : صديق انا نفر ابغى سوي حمام هيهز راسه هزت الهنود ويقولك ماشي

Leave a Reply